Arangkada for July 4, 2017

Leo Lastimosa has attached the following document:

Arangkada for July 4, 2017

Snapshot of the item below:

Paglingkawas sa cartel

        Nasagmuyo ang mga motorista sa pagsaka sa presyo sa lana karong sayong buntag. Nga niputol sa tulo ka sunudsunod nga semana sa laslas sa presyo nga nikabat na sa kinatibuk-an og P2.05 sa gasolina ug P1.95 sa krudo. Hinaot nga nakabati sila sa mga pasidaan sa usbaw sa niagi pang weekend ug nakapatubil gahapon.

        Makabaraw ni sa nagsugod na pagsibaw nga awhag sa mga pasahero sa paglaslas sa minimum nga plitehan sa public utility jeepneys (PUJs) ug sa P40 nga flagdown rate sa taxi. Kuyaw pa gani nga makapabanhaw sa kaisog sa transport groups pagduso sa natanggong nilang petisyon sa uminto sa plitehan.

                -o0o-

        Labing dakong hinungdan sa pagsaka sa presyo sa lana sa merkado sa kalibotan karong semanaha mao ang pagtidlom sa produksiyon sa shale oil sa Estados Unidos, nga maoy labing una sukad niadtong Enero ning tuiga. Mao ni kinadak-an nga uminto sukad sa Disyembre sa niaging tuig, kanus-a giwarawara sa OPEC (Organization of Petroleum Exporting Countries) ang kauyoan paglaslas sa ilang produksiyon sa lana.

        Wa hinuon makapatuyang og layat ang presyo sa lana tungod sa laing sagpa sa OPEC: Nasakpan ang OPEC ug non-OPEC countries sa niaging buwan nga nagsugod na sab pagburot ang ilang produksiyon bisan sa kauyonan sa paglaslas.

                -o0o-

        May sukaranang paglaom nga kasamtangan ang pagsaka sa presyo. Nga motiurok ra sab sunod semana tungod sa kabalaka nga determinado ang mga Amerikanhon sa pagpabaha sa suplay sa lana bisan unsa pay dangatan sa presyo.

        Gawas pa, nagpabiling sobra ang kalibotanong suplay sa lana. Kay bisan sa gipasiatab nga laslas, ang produksiyon sa OPEC niabot sa iyang labing taas nga ang-ang karong tuiga, nga niabot og 32.72 milyones ka baril matag adlaw sa niaging buwan sa Hunyo.

                -o0o-

        Gitumbok sa OPEC ang pagsaka sa produksiyon sa ilang mga sakop nga Libya ug Nigeria nga way apil sa kauyonan sa laslas. Di makatabang sa hakog nilang kawsa ang pasidaan sa OPEC ug non-OPEC countries nga kon di gyod mosakang presyo mobuylo nang ilang produksiyon.

        Maong may sukaranan ang pasalig nga tungod sa kaagresibo sa US ug sa kainutil sa OPEC gawasnon nang kalibotanong merkado sa lana gikan sa cartel. [30] leo_lastimosa@abs-cbn.com 

Google Docs: Create and edit documents online. Google Inc. 1600 Amphitheatre Parkway, Mountain View, CA 94043, USA You have received this email because someone shared a document with you from Google Docs.