Arangkada for October 9, 2017

Leo Lastimosa has attached the following document:

Arangkada for October 9, 2017

Snapshot of the item below:

Pagsugwak sa prisohan

        Nahawongan sa mas dakong kontrobersiya sa kadaghan sa mga nangamatay sa gubat ni Presidente Rodrigo Duterte batok sa ilegal nga drugas mao ang kumpisal sa nasudnong tagduma sa Bureau of Jail Management and Penology (BJMP) nga si Director Serafin Barretto:

Ang makalilisang nga kahuot sa mga prisohan sa Pilipinas niabot na og 583%. Nga maoy labing taas sa tibuok kalibotan. Sa ato pa, di lang kita maoy labing daghan og giihaw sa kampanya batok sa drugas kon dili kita pa gyod ang labing daghan og mga piniriso nga wa nay kapahimutangan.

        -o0o-

        Usa sa labing naghuot nga prisohan sa tibuok nasud mao ang Ubay District Jail sa Bohol nga ang congestion rate niabot og 630% sa wa pa matukod ang bag-ong P4 milyones nga prisohan niadtong Hunyo ning tuiga. Naghuot sab apan arang-arang na lang ang Cebu Provincial Detention and Rehabilitation Center (208%) ug Cebu City Jail (194%).

        Mas taas ang mga numero nga gipahibawo sa Korte Suprema. Matod ni Court Jose Midas Marquez, atol sa pagpahigayon sa Enhanced Justice on Wheels dinhi sa niaging semana, niabot na og 1,500% ang congestion rate sa mga prisohan sa Sugbo.

                -o0o-

        Gitumbok sa Commission on Audit (COA) ang mosunod nga labing dagkong hinungdan sa kahuot sa atong mga prisohan:

• Kanihit sa budget sa BJMP ug ang kahinay ini sa pagtukod sa mga prisohan nga dugay nan gigahinan og kuwarta, may proyekto gani nga 16 ka tuig nang kalangay; ug
• Kakuwang sa mga huwes ug mga piskal nga nisangpot sa kalangay sa paghusay sa mga kaso.

                -o0o-

        Nataligam-an ni sa gubat ni Presidente Duterte batok sa ilegal nga drugas. Gibanabana sa BJMP nga, bisan sa sibaw nga mga pasangil sa extrajudicial killings, mas moburot pa ang gidaghanon sa mga piniriso ug mas maghuot pa gyod ang atong mga prisohan sa pagtapos ning tuiga.

        Usa sa gisugyot nga sulbad mao nga inay awayon angay niya nga dugangan ang gahin sa Korte Suprema: Ang kalibotanong average mao nga usa ka huwes ang mag-alagad sa matag 6,000 ka tawo; sa labing uwahing ihap, ang Pilipinas may usa lang ka huwes sa matag 60,000 ka tawo. [30] leo_lastimosa@abs-cbn.com 

Google Docs: Create and edit documents online. Google Inc. 1600 Amphitheatre Parkway, Mountain View, CA 94043, USA You have received this email because someone shared a document with you from Google Docs.