Tuesday, November 14, 2017

Arangkada for November 16, 2017

Leo Lastimosa has attached the following document:
Arangkada for November 16, 2017
Snapshot of the item below:

Mga bisita ni Duterte

        Di angay nga saputon si Presidente Rodrigo Duterte sa mga pangu sa mga nasud nga niduaw sa Pilipinas karong semanaha nga nisupak sa iyang pasidaan nga di nila hisgutan ang mga kontrobersiya sa human rights ug extrajudicial killings (EJKs) atol sa ilang mga tigom.

        Obligado ang langyaw nga mga lider sa pagtuki sa tandugon nga mga isyu di lang aron pagtagbaw sa mga botante sa ilang kanasuran nga nipahimutang nila sa katungdanan kon dili, ug labi na, aron sab pagtuman sa mga lagda sa ilang diplomatikanhon nga relasyon sa Pilipinas.

                -o0o-

        Nituman hinuon sa pasidaan ni Duterte ang mga pangu sa mga nasud nga sakop sa ASEAN. Way bisan usa nila nga nangahas pagtuki sa gidaghanon sa mga nangamatay sa unang 15 ka buwan sa pamunoan. Gani, pipila nila nipadayag og pagpaluyo sa gubat batok sa ilegal nga drugas.

        Apan wa kapugngi ni Duterte ang mga pangu sa mga nasud nga dialogue partners sa ASEAN. Ug wa siyay nahimo gawas sa pagpaminaw sa sukwahi nila nga baruganan. Kay di man maayo nga pamatasan ang pagbalikas ug pagpalayas nila.

                -o0o-

        Gipahinumdoman siya ni Canadian Prime Minister Justin Trudeau sa panginahanglan pagtahud sa tawhanong katungod ug pagbadlong sa EJKs. Sa iyang bahin, si Presidente Donald Tusk sa European Council nipasabot niya sa sa kamahinungdanon sa human rights ug rule of law.

        Mas isog si New Zealand Prime Minister Jacinda Ardern: Niawhag gyod pag-imbestigar sa laktod nga pagpamatay sa kaliboan ka biktima sa EJKs. Samtang si US President Donald Trump igo lang nipasumbingay sa kamahinungdanon sa tawhanong katungod ug kaligdong sa kinabuhi.

                -o0o-

        Silang Trudeau, Tusk ug Ardern di lang makapasigarbo sa ilang katawhan nga wa sila mahudlat sa kaisog ni Duterte apan makapasalig pa gyod nga ilang gipatigbabaw ang kalibotanong kauyonan pagpatunhay sa tawhanong katungod sa ilang relasyon sa kanasuran apil na sa Pilipinas.

        Ang panagana ni Trump pagbuyag ni Duterte nakaangkon og nagbaha nga mga pagsaway gikan sa mga senador, artista ug ubang nagpakabana nga mga Amerikanhon. Kinsa naalarma na pag-ayo sa iyang pakigsuod sa gipasanginlan nga mga diktador nga iya nang gikatagbo sama nilang Russian President Vladimir Putin, Chinese President Xi Jinping ug Duterte. [30] leo_lastimosa@abs-cbn.com 

Google Docs: Create and edit documents online.
Google Inc. 1600 Amphitheatre Parkway, Mountain View, CA 94043, USA
You have received this email because someone shared a document with you from Google Docs.
Logo for Google Docs

No comments: