Arangkada for December 4, 2017

Leo Lastimosa has attached the following document:

Arangkada for December 4, 2017

Snapshot of the item below:

Mas makadaot nga tambal

        Gawas sa paghunong sa libre nga pagpamakuna batok sa dengue, wa nay laing mahimo ang Department of Health (DOH) pagpugong sa daotan nga epekto nga gipasidaan sa mga eksperto nga mahiagoman sa mga nabakunahan sa Dengvaxia nga wa pa sukad matapti sa makamatay nga sakit.

        Gawas sa pagsusi sa mga tambalanan ug sa mga nabakunahan na wa bay nahiagom sa mas grabe nga mga kaso sa dengue. Nga gipaabot sa tigpamaba sa DOH nga si Dr. Eric Tayag nga mahimo nga magsugod og tumaw sa mosunod nga lima ka tuig.

                -o0o-

        Sa ato pa, way lain nga tambal nga ikahatag ang DOH sa mga pasyente nga di gyod unta angay nga bakunahan aron pagpanalipod nila gikan sa mas grabe nga epekto kon mataptan sila og dengue. Nabiktima ang mga bata nga nagpangedaron og 9 ngadto sa 14 nga naapil sa libre nga pagpamakuna sa Sugbo, Metro Manila, Central Luzon ug Calabarzon.

        Nakapait mao nga hangtod karon, bisan sa dako ug paspas nga kalamboan sa medisina, wa pa gyoy nakaplagan nga tambal sa dengue. Ang mga doktor igo lang gihapon nga mamasin nga makalahutay ang mga pasyente hangtod sa pagkagiw sa kagaw.

                -o0o-

        Unsa man ang mas nakapalisod nga tambalan sa dengue kay sa uban nga mga sakit?

• Ang dengue may upat ka matang sa kagaw nga ginganlan og DEN-1, DEN-2, DEN-3 ug DEN-4, nga mahimo nga magpulipuli og hulga sa mga pasyente; ug
• Lahi sa uban nga kagaw nga di na makadut og usab, ang dengue motabang sa umaabot nga susama niya nga mga kagaw aron nga mas sayon nga makatapot sa mga pasyente.

                -o0o-

        Angay ba nga silotan ang kadagkoan sa DOH sa pamunoan ni kanhi Presidente Noynoy Aquino nga nagkarakara sa pagpamakuna batok sa dengue niadtong 2015? Kon mapamatud-an nga minilyon ka pesos nga komisyon ang hinungdan sa ilang kaapurado angay sila nga prisuhon.

        Apan kon naaghat lang sa pagsuway dayon sa bag-o nga bakuna ubos sa pagtugot sa World Health Organization (WHO) tungod sa pagsulbong sa mga kaso ug sa mga nangamatay sa dengue sa nangagi nga katuigan, mahimo nga mapasaylo. Bisan kon ang tambal nga gipamalit mas bangis pa kay sa sakit. [30] leo_lastimosa@abs-cbn.com 

Google Docs: Create and edit documents online. Google Inc. 1600 Amphitheatre Parkway, Mountain View, CA 94043, USA You have received this email because someone shared a document with you from Google Docs.