Arangkada for December 5, 2017

Leo Lastimosa has attached the following document:

Arangkada for December 5, 2017

Snapshot of the item below:

Tinulisokay sa bakuna

        Atol sa mga imbestigasyon sa kontrobersiya sa Dengvaxia, ang bakuna nga inay motabang sa mga pasyente nga wa pa matapti og dengue molawog na hinuon nila ngadto sa mas grabe nga dengue, moulbo ang tinulisokay:

• Ang local government units ug Department of Education motudlo sa Department of Health nga nagsugo nila pagpamakuna sa 9-14 anyos nga mga bata;
• Ang DOH motudlo sa Sanofi Pasteur nga nipasalig sa ka-epektibo sa bakuna ug World Health Organization (WHO) nga nitugot sa bakuna; ug
• Ang WHO ug Sanofi motudlo sa Strategic Advisory Group of Experts (SAGE) nga nirekomendar pagbaligya sa bakuna.

                -o0o-

Ang SAGE nga gitukod sa WHO niadtong 1999 aron pagtambag nila sa mga bakuna may 15 ka sakop nga eksperto sa epidemiology, public health, vaccinology, paediatrics, internal medicine, infectious diseases, immunology, drug regulation, programme management, immunization delivery, health-care administration, health economics ug vaccine safety.

Mao nga bug-at ang ilang rekomendasyon ug kasagaran tuohan sa WHO ug sa sakop nga kanasuran. Apan nganong nibilib man sa depektuso diay nga Dengvaxia? Sa lusot nga wa pa mahupti ang makadaot nga kasayuran dihang gitugotan ang bakuna, nganong wa man paabuta ang tanang kasayuran sa wa pa tuguti ang bakuna?

        -o0o-

        Atong ila-ilahon ang mga sakop sa SAGE: Dr. Alejandro Cravioto sa Universidad Nacional Autónoma de México; Prof. Rakesh Aggarwal sa Sanjay Gandhi Postgraduate Institute of Medical Sciences, India; Dr. Yagob Yousef Al-Mazrou sa Health Services Council sa Kingdom of Saudi Arabia; Dr. Ilesh Jani sa Mozambique National Public Health Institute; Dr. Jaleela Jawad sa Ministry of Health, Bahrain; Dr. Youngmee Jee sa Korean Centre for Disease Control and Prevention, Republic of Korea; Dr. Kari Johansen sa European Centre for Disease Prevention and Control sa Stockholm, Sweden; Prof. Noni MacDonald sa IWK Health Centre, Canada;

Prof. Terry Nolan sa Melbourne School of Population Health; Prof. Katherine O'Brien sa Johns Hopkins Bloomberg School of Public Health, USA; Prof. Andrew Pollard sa University of Oxford, UK; Dr Firdausi Qadri sa Mucosal Immunology & Vaccinology Laboratory, Dhaka, Bangladesh; Prof. Nicola Turner sa University of Auckland, New Zealand; Prof. Frederick Were sa University of Nairobi, Kenya; ug Prof. Charles Wiysonge sa South African Medical Research Council, South Africa. [30] leo_lastimosa@abs-cbn.com 

Google Docs: Create and edit documents online. Google Inc. 1600 Amphitheatre Parkway, Mountain View, CA 94043, USA You have received this email because someone shared a document with you from Google Docs.