Arangkada for January 8, 2018

Leo Lastimosa has attached the following document:

Arangkada for January 8, 2018

Snapshot of the item below:

Kainutil sa sunog

        Ang labing mahinungdanon gyod unta nga pangutana sa mga bombero sa ila nga pagsusi sa di pa hatagan og permiso ang bag-o nga mga bay patigayon, o sa di pa lab-ason ang permiso sa mga bay patigayon matag tuig, mao ang mosunod:

• May luwas ba nga kalutsan ang mga nagtrabaho o may mga transaksiyon dinhi kon mokalit pag-ulbo ang kayo?;
• Mapawong ba namo ang kayo kon masunog ni o makasungasong ba mi kon ang sunog mahitabo sa kinasuokan nga bahin?; ug
• May hagdanan ba mi nga makaabot sa kinatas-an nga andana?

                -o0o-

        Ang makapasubo nga mga implikasyon sa duha ka nagsunod nga sunog sa shopping malls sa Davao City niadtong Disyembre 23 sa niaging tuig ug sa Metro Gaisano Ayala niadtong Enero 5, 2018 mao nga wa lang gihapon tumana sa kabomberohan ang batakan nila nga mga gimbuhaton. O wa pa gihapon sila mahatagi sa labing batakan nga kahimanan pagtuman sa ilang trabaho.

        O mahimo sab nga wa pa gihapon mausab ang naandan nga binuang sa pipila nila: Paggamit sa tinuig nga inspeksiyon aron lang mangilkil o mahalinan og fire extinguishers.

                -o0o-

        May sukaranan ang pagduda sa kadagkoan sa Bureau of Fire Protection (BFP) nga nipalyar ang sprinkler system sa ikatulo nga andana sa Metro Ayala nga nikatap dayon ang kayo gikan sa bodega sa mga duwaan ngadto sa tibuok andana. Angay nga mohatag og katin-awan ang mga tagduma sa tindahan.

        Sama sa nakabuylo na nga pakisusi sa sunog sa NCCC Mall sa Davao City, angay sab nga subayon ang mga dokumento sa BFP ug sa Ayala Center Cebu kanus-a sila kataposan nga nakasusi sa kahimanan sa tindahan batok sa sunog, unsa ang ila nga nakit-an ug kinsa ang mga naghimo sa inspeksiyon.

                -o0o-

        Ang maayo nga balita mao nga, lahi sa trahedya sa NCCC, way namatay sa sunog. Nakatabang nga nanera nang tindahan ug ang makanunayon nga pagbansay-bansay sa mga tagduma sa mall batok sa sunog ug uban nga katalagman.

        Apan lisod dawaton nga ning panahon sa moderno nga mga teknolohiya ug sa makalilisang nga excise taxes ug value added taxes ug sa trinilyon nga tinuig nga nasudnon nga budget, wa lang gihapoy gas masks ang kabomberohan. [30] leo_lastimosa@abs-cbn.com 

Google Docs: Create and edit documents online. Google Inc. 1600 Amphitheatre Parkway, Mountain View, CA 94043, USA You have received this email because someone shared a document with you from Google Docs.