Arangkada for June 15, 2017

Leo Lastimosa has attached the following document:

Arangkada for June 15, 2017

Snapshot of the item below:

Libro ni Kerr

        Bisan sa sakit nga nakapugos niya pagpalta sa 11 ka duwa sa NBA Playoffs ug sa pagkahimutang sa Golden State Warriors sa naandang labaw nga 3-1, nga mao say ilang nahimutangan sa niaging tuig sa wa pa sila blangkohi nilang LeBron James ug sa Cleveland Cavaliers sa nisunod nga tulo ka duwa ug gihikawan sa ikaduhang sunudsunod unta nilang kampeyonato, kalma si Head Coach Steve Kerr nga nipasalig sa iyang mga magduduwa nga di na masubli ang kalbaryo.

Ang nakaluwas ni Kerr gikan sa paghigwaos tungod sa grabeng tensiyon? Hingpit sa pagtuo sa libro nga namantala 45 ka tuig nang nilabay.

-o0o-

Nikumpisal si Kerr nga nagsilbing bibliya nga nigiya sa nagkalainlain niyang katungdanan sa NBA, apil nang pagka magduduwa sa Chicago Bulls ug San Antonio Spurs ug pagka presidente Phoenix Suns ang librong "The Inner Game of Tennis: The Classic Guide to the Mental Side of Peak Performance."

Nga nipasabot nga ang tinuod nga pakigbisog naa sa hunahuna, batok sa kakuyaw, pagduda ug dinalidali nga paghukom. Ginamit ang Zen Buddhism, nga mao say gisagop sa coach ni Kerr sa Bulls nga si Phil Jackson, ang libro nagtudlo unsaon pagpahilom ang panghunahuna aron katugotan ang lawas paghimo sa labing nakamaohan niyang himuon.

-o0o-

        Sama ni Jackson nga nanghatag og nagkalainlaing mga libro sa iyang mga magduduwa, sama nilang Kerr ug Michael Jordan sa Bulls, Shaquille O'Neal ug Kobe Bryant sa Lakers ug Carmelo Anthony sa Knicks, si Kerr ganahan sang manghatag og libro ug mga mensahe sa iyang mga magduduwa ug mga higala.

Usa ra ka libo ang gipanghatag ni Kerr. Maong magda gyod og daghang kopya aron ipanghatag ni bisan kinsa, apil na sa mga sakop sa media, nga mopakita og interes sa iyang pilosopiya.

        -o0o-

        Bisan nahimong NBA analyst ug usa sa giisip nga labing maayong mopasabot sa telebisyon sa labing kuti ug kasagarang mataligam-an nga mga bahin sa duwa, si Kerr naningkamot paghimo sa Warriors nga di mahitungod niya kon di sa mga magduduwa.

        Napamatud-an sab ni Kerr atol sa playoffs ang giisip nga labing epektibo nga sukdanan sa iyang liderato: Ang pagpadayon sa kalamposan sa Warriors bisan wa na siya. [30] leo_lastimosa@abs-cbn.com 

Google Docs: Create and edit documents online. Google Inc. 1600 Amphitheatre Parkway, Mountain View, CA 94043, USA You have received this email because someone shared a document with you from Google Docs.