Arangkada for September 10, 2017

Leo Lastimosa has attached the following document:

Arangkada for September 10, 2017

Snapshot of the item below:

Carpio, Cuizon ug Clavano

        Nakugang ang mga Sugbuanon dihang nahisgutan sa pagsukitsukit ni Senador Antonio Trillanes sa umagad ni Presidente Rodrigo Duterte nga si Atty. Mans Carpio silang:

• Ahmed Cuizon, direktor sa Land Transportation Franchising and Regulatory Board (LTFRB) sa Region 7 ug 8; ug
• Chito Clavano, negosyante sa Sugbo nga gitudlo ni Presidente Duterte nga pangu sa Road Board.

                -o0o-

        Nasipyat ba lang si Trillanes? O nalawogan og sayop nga mga ngan? O gituyo paghisgot ang bisan unsang ngan aron paglibog ni Carpio?

        Dihang nitubag si Carpio nga wa siyang kaila nilang Cuizon ug Clavano ug way dugang detalyeng giluwatan si Trillanes, mas nakumbinser ang mga nagsunod sa imbestigasyon nga ang senador nangisda lag mga ebidensiya.

                -o0o-

        Apan dihang gikahinabi sa Arangkada sa DYAB Abante Pa, Bisaya!, si Trillanes nipasumbingay nga mas daghan siya og nahibaw-an sa relasyon nilang Carpio, Cuizon ug Clavano apan naapiki sa kahigpit sa panahon nga gihatag ni Senador Richard Gordon niya.

Nipasangil si Trillanes nga apil si Cuizon sa pagpangilkil ni Carpio sa Uber Philippines. Nipasangil sab siya nga apil si Clavano sa pagpangilkil ni Carpio sa mga proyekto sa Road Board.

-o0o-

Si Cuizon nga usa sa labing agresibo nga nipatuman sa kampanya sa LTFRB batok sa Uber pormal nang nihimakak sa pasangil ni Trillanes. Nipasabot siya nga wa mohimo og bisan unsang pasangil ang kadagkoan sa Uber atol sa ilang pakigtagbo ni LTFRB Chairman Martin Delgra dinhi sa Sugbo sa niaging buwan.

Gihisgutan sang Cuizon nga siya ra ang direktor sa LTFRB nga tinudlo sa niaging pamunoan nga nahibilin sa katungdanan. Kini bisan may mga suod sa Malakanyang, apil nang kanhi konsehal sa Dakbayan sa Sugbo, nga nisuway pagpuli niya sa katungdanan.

-o0o-

Si Clavano kontrobersiyal nang daan bisan sa wa pa pasanginli ni Trillanes. Gipasanginlan siya sa mga kongresista nga nikapon og 20% nga komisyon sa ilang mga proyekto. Gani, si House Speaker Pantaleon Alvarez niawhag nga papason ang Road Board tungod sa P90.7 bilyones nga anomaliya nga gibutyag sa Commission on Audit (COA).

        Nga kahibudngan kay silang Clavano ug Alvarez apil sa mga sinumbong sa kasong plunder tungod sa P76.5 milyones nga kontrata pagtukod sa NAIA III. [30] leo_lastimosa@abs-cbn.com 

Google Docs: Create and edit documents online. Google Inc. 1600 Amphitheatre Parkway, Mountain View, CA 94043, USA You have received this email because someone shared a document with you from Google Docs.