Arangkada for July 3, 2017

Leo Lastimosa has attached the following document:

Arangkada for July 3, 2017

Snapshot of the item below:

Scripted nga sungkod

        Nisibaw na sang awhag ni Senador Manny Pacquiao sa pag-retiro na sa boksing human sa wa paabota niyang kapildehan ni Jeff Horn sa Brisbane, Australia gahapon. Abunda ang mga sukaranan sa mga wa nay bilib ni Pacquiao:

• Wa na igkita ang naandan nga puwersa ug kapaspas ug kadaghan ug lahutay sa iyang mga kumo; ug
• Gipasidan-an nang daan sa iyang trainer nga si Freddie Roach nga kon di modominar ug makapahagba ni Horn wa nay paglaom si Pacquiao nga makapanghagit sa mas inilang mga boksidor labi nang Floyd Mayweather Jr.

                -o0o-

        Apan ang boxing fans nga madasigon nga nidason sa hagit ni Pacquiao sa rematch batok ni Horn niinsistir nga:

• Sama sa pagka angol sa iyang abaga sa ilang away ni Mayweather niadtong 2015, naluya si Pacquiao batok ni Horn kay gisip-on sa pag-abot niya sa Australia kapin sa semana sa wa pang sangka; ug
• Hugawng makigsangka si Horn, mahimong tinuyo ang pagbangga sa iyang ulo nga nakasamad ni Pacquiao sa ulo sa ika-unom nga hugna ug sa wang mata sa ikapitong hugna ug nga gitikasan si Pacquiao sa mga maghuhukom.

                -o0o-

        Ang Compubox nga niihap sa mga kumo pinaagi sa computers nidason sa nakit-an sa mga eksperto nga higpit nga kadaogan ni Pacquiao batok ni Horn:

• Si Pacquiao nakaigo og 182 sa 573 niya ka kumo (32%) samtang si Horn nakaigo lang og 92 sa 625 niya ka kumo (15%);
• Si Pacquiao nakaigo og 59 sa 193 niya ka jabs (31%) samtang si Horn nakaigo lang og 19 sa 197 niya ka jabs (10%); ug
• Si Pacquiao nakaigo og 123 sa 380 ka power punches samtang si Horn nakaigo lang og 73 sa 428 ka power punches (17%).

                -o0o-

        Samang mga eksperto nga nakakitang usa ra ka round ang gidominahan ni Horn batok sa 11 nga nadaog ni Pacquiao nangagpas nga nakumbinser ang mga huwes sa ka-agresibo ni Horn sa unang mga hugna ug kuwang rang pagkulata ni Pacquiao ni Horn sa ikasiyam nga hugna.

        Moretiro man o mopadayon, nabantang nga mas matinud-anon si Pacquiao sa boksing. Dakong eskandalo ang pagda ni Horn og script pagpasalamat sa iyang sponsors ug sungkod pagpanghagit ni Mayweather. [30] leo_lastimosa@abs-cbn.com 

Google Docs: Create and edit documents online. Google Inc. 1600 Amphitheatre Parkway, Mountain View, CA 94043, USA You have received this email because someone shared a document with you from Google Docs.